Logat Bahasa Banyuasin Serta Keunikan Kota Betuah

PANGKALAN BALAI
KOTA BETUAH

(Sumber: http://facebook.com/Insomniaanakmalam)

Pangkalan Balai adalah daerah yang mulai bekembang, dari kabupaten Banyuasin, kecamatan Banyuasin III. Betuah artinye beruntong pacak di sebut mujur. Pangkalan Balai benyak keunikan yang pacak di selek, kalu pegi ke kota Pangkalan Balai biaya transportasi naek mobel ijo meyernye Rp. 8.000 sedangke kalu naek transmusi meyernye Rp. 7.500 dari terminal Alang-alang Lebar Palembang. Pangkalan Balai nih beru melantik Bupati Namennye Yan Anton anaknye bupati lame Amirudin Inoed. Ade juge kalu mata pencarian urang balai ni, Mantang, Beleut, Muet kemplang, Nyalai Iwak, Bekebon, Betani,  Nyalor maseh benyak lagi.

Selain itu urang balai juge ade sebutan khas kalu untuk urang yang lebih tue Mak atau mbik sebutan untuk Ibu, Bak sebutan untuk Ayah, Nyek sebutan untuk Nenek, Iyek sebutan untuk Kakek, Mamang sebutan untuk Paman, Bebek sebutan untuk Bibi, ade yang Unik di balai nih panggilan untuk anak-anaknye. Kalu Cak untuk anak tue, kalu Cik sebutan untuk anak ke 2, Kalu Cek anak ke tige, dan kalu Ujok sebutan untuk anak bungsu. Ade juge Bujang dengan Gedis untuk sebutan budek remajanye.

Kalu betandang ke balai, pasti benyak yang nak di selek, apelagi tempat-tempat yang benyak di jingok oleh Bujang, Gedis. Ade tempat Tanjung Putus, Bintang Campak, Bom Berlian, Kolam Iwak ini kadang Bujang, gedis kalu petang-petang bekumpol di tempat ini, Mesjid Jumhuriyah mesjid besak di Pangkalan Balai, Mesjid al-Amir benyak urang dari luar yang befoto di mesjid ini karena kalu malam mesjidnye penoh lampu warna-warni man nyelek difoto begus, Mesjid Urang Padang ade kabbah nye benyak juge urang gelek befoto disane, Mesjid Al-Makmun ni yang ade keunikan misal urang gelek datang kesane, minta doa di kuburan Ki. H. Sulaiman gelek tekabol karne uji kabar Ki. H. Sulaiman pacak terbang dengan sejadah mangkenye urang gelek bedoa disane, Ade juge Monumen Front Langkan peninggalan urang dulu.

Dusun-dusun yang ade di Pangkalan Balai, Dusun Pelajau, Durian Daun, Pulau Rimau, Talang Ipoh, Ujung Tanjung, Galang Tinggi, Rantau Bayur, Sidang Mas, Tanjung Beringin, Lebong, Manggus, Sri Cinta, Lubok Lancang, Lubok Keranji, Sri Bandung, Tanjung Menang, Reban Gajah, Sedang, filip. Masih benyak lagi tiap dusun ini ade ciri khas dewek-dewek ade ke unikan dewek yang di tiap dusun yang lain dak katik.

Makanan Khas Urang balai, Rampai Talang isinye Cong, jentong, keladi, ubi, iwak masin. Ade juge kue bental, kuping kancel, selendang mayang.

Bujang, Gedis nye lihai nari lihai nyiptake pule tariannye begus-begus, benyak tarian yang ade di Pangkalan Balai, Tarian Sedulang Setudung biasenye tarian ini untuk tari penyambutan urang-urang penting di Pangkalan Balai, Tarian Petuah Munai, Tarian Betangas Tarian ini biasenye di tari ke kalu ade urang kawinan, Tari Kembang Pedede, ceritenye kembang pedede tu wangi, kalu bijinye pacak dimakan, Tarian Burung Kuaw. Masih benyak lagi.

Ade juge lagu khas daerah Pangkalan Balai, Lagu Sedulang Setudung, Lagu Cik Ronek lagu yang menceriteke tentang gedis banyuasin yang cantik jelita, idung mancung, alis lentek, puteh kuning, kecik kerinci, segelenye die pacak. Mangkenye banyak diperebutke bujang-bujang banyuasin, Lagu Pegi Mantang, Lagu Linjang Gele, Lagu Ndek Payo Gen Sudeh, Lagu Ngundang, pokoknye maseh benyak lagi.

Ade lirik lagu yang gelek di nyanyike urang kalu ade sedekahan, apelagi makai orkesan. judul lagunye “Cik Ronek”.

Cik Ronek
  Lirik Lagu

Alangke belagak cik ronek

Puteh kuning, kecik cerinci

Nengar kate segele pacak

Begus pule budi besenye

Deman gele urang dengannye

Oi cik ronek gedis banyuasin...

Oi cik ronek gedis banyuasin

Sewet jupri selendang liber

Beju kurong bekalong tinggi

Gelong petek, betembang goyang siape nyelek pastilah linjang...

Oi anggon oi cinde...

Oi anggon oi cinde...

Jadi padean budek bujang.

 Maksud lirik lagu ni, menceriteke tentang gedis banyuasin yang cantik jelita, puteh, kecik segelenye die pacak buken karne cantiknye juge budi bese nye dengan urang juge begus, suailah benyak bujang-bujang yang linjang dengan cik ronek ni. Itulah keunikan yang ade di Pangkalan Balai, mungkin masih benyak lagi tapi belom kami ceriteke sekok-sekok. Tapi kalu pengen tau benyak detang be ke tempat kami. Terime Kaseh.